Kompeticion për ide biznesi dhe startup-e në sektorin ICT i planifikuar në qarkun e Vlorës

Qëllimi është të nxisë vetëpunësimin dhe frymën sipërmarrëse tek të rinjtë e qarkut të Vlorës, si një formë për të parandaluar emigrimin dhe për të ulur normën e papunsisë e nivelet e kriminalitetit tek të rinjtë e këtij qyteti. Me anë të këtij kompeticioni synohet që të rinjtë e qarkut të Vlorës t’u ofrohet një mundësi për tu vetëpunësuar, për të ngritur biznese të suksesshme si dhe për të punësuar të rinj të tjerë.

Të rinj me ide sipermarrëse nga qarku i Vlorës

Deri më 4 Tetor 2022

Selektimi i aplikantëve online, të 40 aplikimeve që priten të mblidhen nga promovimi online do të vlerësohen nga një juri e cila do të përbehet nga 3 ekspert të fushës së startupeve, sipërmarrjes dhe teknologjisë. Në fund të kësaj faze do të selektohen 20 ide biznesi të cilat mund do të kenë mundësinë të kalojnë në fazën e radhës. Pitching dhe scouting në Vlorë, ky aktivitet do të zhvillohet në qytetin e Vlorës ku 20 idetë e biznesit të përzgjedhura do të kenë mundësi të PITCH idenë e tyre përpara 3 anëtarëve të jurisë. Juria do të përbëhet nga dy sipërmarrës dhe një ekspert në fushën e startup-eve dhe në përfundim nga ky aktivitet do të përzgjidhen vetëm 15 ide biznesi të cilët do të kalojnë në fazën tjetër që është edhe faza finale. Trajnimi dhe Eventi final në Vlorë, i cili do të organizohen në formën e një Bootcamp i shtrirë në dy ditë. Në ditën e parë të 15 përfaqësuesit e ideve të biznesit do të trajnohen për tema si: plani i biznesit dhe plani financiar si dhe do të mentorohen nga ekspert të fushës. Dita e dytë në pjesën e parë do të ketë një trajnim për pitching (prezantim) bazuar në kriteret dhe kërkesat e Beta Pitch Berlin si dhe do të kenë mentorim të vazhdueshëm nga ekspertët e fushës. Në pjesën e dytë të ditës të 15 përfaqësuesit e ideve të biznesit do të prezantojnë përpara jurisë për të konkurruar për çmimet Inkubimi i tre startupeve fituese, e cila do të shtrihet në një muaj menjëherë pas aktivitetit dhe do të përfshijë trajnime, rritje kapaciteti dhe krijim network të 3 fituesve me sipërmarrës të suksesshëm në treg.